Rebaki la korelativan tabelon

En la pasintaj notoj mi menciis konsilojn por plifaciligi la lernadon de la korelativoj. Mi ankaŭ parolis pri la limoj de la tradiciaj korelativaj tabeloj.

La dokumento elŝutebla malsupre prezentas tabelon, en kiu mi provis apliki tiujn principojn:

  • Ĝi prezentas pli larĝan supervidon al la funkcioj de la tabelvortoj: mi aldonis kolumnon por la “rilativoj” kaj linion por la adjektiva KIU-serio.
  • Ĝi grupas la korelativojn en sintaksaj kategorioj (pronomoj, adjektivoj kaj adverboj).
  • Ĝi klasas ilin en tri niveloj laŭ ilia komunika valoro: tiuj necesaj por la nivelo A2, tiuj necesaj por la nivelo B1, kaj la ceteraj.
  • La korelativoj ĉial kaj nenial havas pure teorian ekziston kaj ne estas praktike uzataj. Tial mi forĵetis ilin. Same pri la rilativo kial (oni praktike uzas ĉartial ke).

Sed la plej grava aldono estas la parto de la libreto, kiu invitas la lernantojn mem skribi ekzemplajn frazojn (ĉerpitajn el la lerno-materialo aŭ elpensitaj kun la helpo de sia kursogvidanto). Tiu kolektado celas aktivigi la lernanton kaj helpi tiun kompreni kaj memorfiksi la tabelvortojn.

Elŝutu, uzigu kaj sendu al mi vian retrokuplon por helpi min plibonigi tiun materialon.

Korelativa libreto

Respondi

Retpoŝtadreso ne estos publikigita. Devigaj kampoj estas markitaj *